Бұл жоба қаланың бас жоспарына түзетулер енгізу аясында қарастырылды, деп хабарлайды Buqara.kz сайтының тілшісі. 

2021 жылғы 12 қарашада Өскеменнің жаңа жоспары бекітілген болатын, оның жүзеге асырылу мерзімі 2035 жылға дейін есептелген. Алайда бүгінде белгілі бір себептерге байланысты жоспарға түзетулер енгізу қажет болып отыр.
Құжатта көрсетілгендей қаланың орталық бөлігінде маңызды өзгерістер жоспарланып отыр. Мәселен, Арбатты Жеңіс даңғылына дейін ұзарту көзделген.
Жоспар бойынша Жеңіс даңғылынан Қабанбай батыр көшесіне дейін жаяу жүргіншілер жолы салынады. Оны Үлбі жағалауымен жаяу жүргіншілер көпірі арқылы байланыстыру ұсынылады.