15 наурызда өтетін республикалық референдумға орай облыс орталығының тұрғындары үшін қоғамдық көліктерде тегін жол жүру ұйымдастырылады, деп хабарлайды Buqara.kz сайтының тілшісі.

Бұл бастаманы жолаушылар тасымалдаушылардың өздері ұсынды. Олар алда тұрған саяси оқиғаның маңызын ескере отырып, Президент жүргізіп жатқан реформаларды қолдау мақсатында осындай шешім қабылдады.

Тасымалдаушылардың айтуынша, бұл акция азаматтық жауапкершіліктің белгісіне айналып, осы күні сайлау учаскелеріне барып, өз азаматтық ұстанымын білдіретін облыс тұрғындары үшін жақсы үлгі болады.