Бұл туралы ШҚО Полиция департаменті баспасөз қызметінің өкілдері мәлім етті, деп хабарлайды Buqara.kz сайтының тілшісі.

«Құқықтық тәртіп» жедел алдын алу шарасы барысында полицейлер ірі көлемдегі спирттік сұйықтық партиясын анықтады.

- Қала көшелерінің бірінде «Газель» автокөлігі тоқтатылды. Жүк салғышты тексеру кезінде полиция қызметкерлері құрамында спирті болуы мүмкін сұйықтық толтырылған ыдыстарды тапқан. Тәркіленген жүктің жалпы көлемі шамамен 1000 литрді құрады, - делінген ресми ақпаратта. 

Қазір өнімнің шығу тегі анықталуда. Аталған факті бойынша тексеру жүргізіліп жатыр, оның нәтижесі бойынша тиісті процессуалдық шешім қабылданады.