Аталған мәліметпен өңір әкімі Нұрымбет Сақтағанов жуықта өскемендіктерге пәтер кілті табысталғанда бөлісті, деп хабарлайды Buqara.kz сайтының тілшісі.

Аймақ басшысы БАҚ-қа ұсынған мәліметінде облыста құрылыс саласы дамып жатқанын алға тартты. 
– Өңіріміздің алдағы бес жылға даму стратегиясы бекітілді. Осы жоспарға сәйкес біздің облыс орталығы алдағы 4-5 жылда 500 мың адам тұратын Шығыс хабының орталығына айналмақ. Бұл үшін ішкі мүмкіндіктер жан-жақты зерделеніп, қаралды, бекітілді. Ол 500 мың адам тұратын қала болатындықтан құрылыс саласына ерекше мән беріліп жатыр, – деді әкім.