Үкімет отырысында Оқу-ағарту министрі Жұлдыз Сүлейменова арнайы білім беру ұйымдарының статистикасын атады, деп хабарлайды Buqara.kz сайтының тілшісі KAZINFORM сайтына сілтеме жасап.

- Елдегі арнайы білім беру ұйымдарының саны – 539. Оның ішінде 126 психологиялық-медициналық-педагогикалық консультация, 240 түзету кабинеті, 12 аутизм, 14 оңалту орталығы, 99 арнайы мектеп, 48 арнайы балабақша бар, - деді министр.
Ведомство басшысы қазір Қазақстанда 6 млн 900 мың бала бар екенін атап өтті.
- Бұл ел халқының 34 пайызы деген сөз. Соңғы 10 жылда балаларымызды саны 1,5 миллионға артқанын ерекше атап өткіміз келеді, - деді Жұлдыз Сүлейменова.