Іс-шара Д.Серікбаев атындағы Шығыс Қазақстан техникалық университетінде ұйымдастырылды, деп хабарлайды Buqara.kz сайтының тілшісі.

Жасөспірімдер онлайн алаяқтықтың кең тараған түрлері мен жеке деректерді, ақшаны қорғау жолдары туралы ақпарат алды.

Жиында облыстық Полиция департаментінің Қылмыстық іс жүргізу бөлімінің  аға детективі, полиция капитаны Нұрай Арыстанбек жиі кездесетін алаяқтықтар туралы айтып, күдікті ұсыныстарды қалай анықтау керектігін түсіндірді.

Дропшиппингке банк шоттары мен карталарын пайдаланып заңсыз транзакцияларға алданған адамдарға ерекше назар аударылды. Студенттерге күмәнді транзакциялар үшін картасын немесе банк шотын беруге келісудің салдары түсіндірілді.

Қатысушылар кең таралған онлайн алаяқтық түрлерін, күдікті қарым-қатынас белгілерін және оңай ақша табу ұсыныстарын талқылады. Полиция қызметкері студенттерге ақпаратты тексеру және бейтаныс адамдардың нұсқауы бойынша қаржылық транзакцияларды жүргізбеу қажеттілігін еске салды.

Кездесуде студенттер өздерін толғандырған сұрақтарын қойып, жауап алды. 

Полиция жастарды интернетте сақ болып, күмәнді ұсыныстардан бас тартуға және қаржылық операциялар жасамас бұрын ақпаратты тексеруге шақырады.