Глубокое ауданында полиция абаттандыру ережелерінің сақталуын бақылауды күшейтті. Бұл жұмыс бейнебақылау камераларының көмегімен жүргізілуде, деп хабарлайды Buqara.kz сайтының тілшісі.
Осылайша, камералар арқылы екі құқық бұзушылық тіркелді. Бірінші жағдайда жаяу жүргінші дүкеннің жанына қоқыс тастаған. Ал екінші заң бұзушы тұрақта тұрған көліктің жанында темекі тұқылын тастап кетті.
Оқиға орнына жедел жеткен полиция қызметкерлері құқықбұзушылықтың жолын кесті.
Тексеру қорытындысы бойынша екі аудан тұрғыны қоғамдық орындарды ластағаны үшін әкімшілік жауапкершілікке тартылды.
Пікірлер