Қала әкімі Алмат Ақышов Қазақстан көшесіндегі жаяу жүргіншілер аймағын, Ертіс көпірі астындағы спорттық алаңды және амфитеатрды аралап, бақылап шықты, деп хабарлайды Buqara.kz сайтының тілшісі.

Тексеру барысында жауапты бөлімдерге нысандардың санитарлық жағдайын тұрақты бақылауда ұстау, инфрақұрылымды күтіп ұстау және анықталған кемшіліктерді жедел жою бойынша тапсырмалар берілді.
Жоспарға сәйкес амфитеатрда жүргізілетін қайта жаңғырту жұмыстарынан кейін тұрақты сахна орнатылады. Ал субұрқақтың орнына мемлекеттік ту орнатылады.
Сонымен қатар қала басшысы тұрғындар жиі жүретін бағыттар бойынша жаяу жолдар төсеуді, ал басқа аумақтарға көгал отырғызуды тапсырды.