Өскеменде «Казцинк» кәсіпорнындағы жарылысқа байланысты жедел желі жұмыс істеп тұр, деп хабарлайды Buqara.kz сайтының тілшісі KAZINFORM сайтына сілтеме жасап.

ШҚО Төтенше жағдайлар департаментінің мәліметіне сүйенсек, оқиға орнында апат салдарын жою жұмыстары жүргізіліп жатыр. 

- Жалпы саны 80 адам мен 18 техника тартылған. Оның ішінде командалық-штабтық көлік пен ТЖМ ұшқышсыз ұшу аппараты бар. Қазіргі уақытта үйінділерді аршу жұмыстары жүргізіліп жатыр, - деп хабарлады департаменттің баспасөз қызметінен.

Жарылысқа байланысты жедел желі де іске қосылған. Оған 8 (7232) 55-38-19 телефон нөмірі арқылы хабарласуға болады.