Қалалық мәслихаттың кезектен тыс сессиясында шаһардағы зираттарда қоқыс шығаруға және қураған ағаштарды алып тастауға қосымша қаражат бөлінгені белгілі болды, деп хабарлайды Buqara.kz сайтының тілшісі.

Александр Светаш зираттардың санитарлық-гигиеналық күтім жұмыстарын бақылағанын айтты.
 - Сапар барысында қалдықтардың айтарлықтай көлемі шығарылмағаны, мердігерлердің жұмысы нашар ұйымдастырылғаны және қалалық тұрғын үй-коммуналдық шаруашылық бөлімінің тарапынан бақылаудың жеткіліксіз екені анықталды. Қалалық мәслихаттың тұрақты комиссиясы жағдайды мұқият қарау, аяқтау мерзімдерін нақтылау және мәселелерді шешу шараларын анықтау үшін он күн ішінде тексеру жүргізеді, - деді ол.