Жалпы аудан бойынша егін жинау науқанына 119 ауылшаруашылық ұйым тартылған, деп хабарлайды Buqara.kz сайтының тілшісі.

Мұнда биылғы егіс алқабы 76,6 мың гектарды құрады. Соның ішінде: дәнді-бұршақты дақылдар - 32,4 мың гектар (42,3%); майлы дақылдар - 35,6 мың гектар (46,5%). Ресми ақпаратқа сүйенсек, жалпы аудан бойынша егін жинау науқанына 119 ауылшаруашылық ұйым тартылған. - Биыл егін жинау үшін 1157 тонна жеңілдетілген дизель отын және дәнді-майлы дақылдарды кептіруге 1435 тонна дизель бөлінді. Сондай-ақ 933 тонна дизель отынын алуға қосымша өтінімдер берілді. Бүгінге дейін алқаптан 59,19 мың гектарға жуық астық жиналды. Соның ішінде: дәнді-бұршақты дақылдар - 32,31 мың гектар, дақылдың орташа өнімділігі 26,8 ц / га; майлы дақылдар 18,64 мың гектар, оның орташа өнімділігі 22,9 ц / га. Егінді толық оңтайлы агротехникалық мерзімде жинап бітеміз, - делінген Алтай ауданының әкімдігі берген ақпаратта. «Аграрлық несие корпорациясы» АҚ арқылы көктемгі егіс және егін жинау жұмыстарын жүргізуге Алтай ауданының диқандары 1,7 млрд. теңге сомасына 23 несие алды.