Ұлттық парктегі жануарлардың биологиялық әртүрлiлiгi мен мекендеу ортасын сақтау үшін кадастр арқылы тiркеу жүзеге асырылуда, деп хабарлайды Buqara.kz сайтының тілшісі.

Мониторинг пен тіркеу жұмыстарының негізгі мақсаты - парктегі жан-жануарларды қорғау, өсiмiн молайту, қауіпсіздігін қамтамасыз ету. - Жануарлар дүниесiн қорғау және өсiмiн молайту бөлiмiнiң мамандары Алтай орманшылығы аумағында мемлекеттiк есепке алу үшін жануарлардың жай-күйi мен географиялық таралуын анықтап, мекен еткен орны мен санын, жүйелi бақылау нәтижелерi туралы мәлiметтерді жинақтауда. Жануарлар ағзасына қажетті минералдармен қамтамасыз ету мақсатында тағылар жиі өтетін жерлерге тұз төгіліп, фототұзақтар орнатылды, - деді бөлім мамандары.