Бүгін қаланың 240 жылдық мерейтойы аясында «Риддер тарихи аспектілер аясында» атты республикалық ғылыми-тәжірибелік конференция өтіп жатыр, деп хабарлайды Buqara.kz сайтының тілшісі.

Конференция жұмысы бірнеше алаңда ұйымдастырылып, ғалымдар, профессорлар, зерттеушілер мен сарапшылар шаһар тарихы, оның қалыптасуы мен дамуы, мәдени мұрасы және болашақтағы даму перспективалары туралы ғылыми баяндамаларын ұсынуда.
Іс-шараға елдің түрлі өңірлерінен келген қонақтар, ғылыми қауымдастық өкілдері, жоғары оқу орындарының ғалымдары, мұрағат саласының мамандары және қоғам қайраткерлері қатысып жатыр. 
Конференция барысында олар тәжірибе алмасып, өлке тарихын зерттеу мен тарихи-мәдени мұраны сақтау мәселелерін талқылауда.
Конференция Риддер қаласының бай тарихын, рухани мұрасын және оның ел дамуындағы маңызды орнын тағы бір мәрте айқындауда.