Бұл туралы аудан әкімі Эльдар Тумашинов Өскеменде өткен жиында мәлімдеді, деп хабарлайды Buqara.kz сайтының тілшісія 

Оның айтуынша, былтыр ауданның бірнеше елдімекенінде тұрғындарға сапалы медициналық қызмет көрсетуге арналған нысандар пайдалануға берілген.

– Ауылдық денсаулық сақтауды жаңғырту» ұлттық жобасы бойынша 2025 жылы бірқатар медициналық нысан құрылысы аяқталды. Атап айтқанда, Секисовка ауылында отбасылық-дәрігерлік амбулатория, Белокаменка ауылында медициналық пункт салынды. Сонымен қатар Верхнеберезовка және Бобровка ауылдарында отбасылық-дәрігерлік амбулаториялар, ал Уварово ауылында фельдшерлік-акушерлік пункт пайдалануға берілді, – деді Эльдар Тумашинов.

Жаңа медициналық нысандар ауыл тұрғындарының алғашқы медициналық-санитарлық көмекке қолжетімділігін арттыруға мүмкіндік береді. Сондай-ақ заманауи жабдықтармен қамтылған мекемелерде тұрғындарға сапалы әрі уақтылы медициналық қызмет көрсетілмек.