Аудандағы экспедиция кезінде сүттігеннің жаңа түрі байқалды, деп хабарлайды Buqara.kz сайтының тілшісі.

Катонқарағай мемлекеттік ұлттық паркінің ғылым, қоршаған ортаны бақылау және ақпарат бөлімінің аға ғылыми қызметкері Глеб Болботов Алтай мемлекеттік университетіндегі әріптестерімен сүттігеннің жаңа түрінің ашылуы туралы ғылыми мақала жариялады.
Ол Euphorbia туысының таксономиясы бойынша жетекші сарапшылардың бірі, биология ғылымдарының докторы Дмитрий Гельтманның құрметіне аталды. Алтай тауларында бұл түрдің 40-тан астамы тіркелген.
- Бұл жаңа түрдің ашылуы Алтайдың ерекше флорасын зерттеуге қосылған маңызды үлес және Катонқарағай мемлекеттік ұлттық паркіндегі ғылыми бөлім қызметкерлерінің жоғары ғылыми біліктілігінің дәлелі, - делінген Катонқарағай ұлттық паркінің ақпаратында.