Бұл туралы облыс әкімінің бірінші орынбасары Нұрымбет Сақтағановтың Тарбағатай ауданына барған сапарында айтылды, деп хабарлайды Buqara.kz сайтының тілшісі.

Жауапты тұлға алдымен салынып жатқан жаңа мектеп алдындағы Төлеген Тоқтаровтың кеудемүсініне тоқталды. 
– Төлеген Тоқтаровты батырлардың батыры деген. Екінші дүниежүзілік соғыс кезінде батыр көп болды. Бірақ кеңес өкіметінің генералдары жерлесіміздің ерлігін ерекше бағалаған, – деді Нұрымбет Аманұлы.

Жауапты тұлға дарынды оқушылардың ауылдардан шығатынын жеткізді.
Тарбағатай ауданы әкімі Дархан Жөргекбаевтың сөзінше, ауылда 200-дей адам бар. Алдағы уақытта оңтүстік өңірлерден тұрғындар шақырылмақ. Ауылдағы жетекші сала – мал шаруашылығы.