Шығыс Қазақстан облысының тумасы Аяш Қабдоллаева VI Дүниежүзілік көшпенділер ойындарында дәстүрлі садақ атудан алтын медаль жеңіп алды, деп хабарлайды Buqara.kz сайтының тілшісі.

«Пута нысанасы» бойынша өткен финалда Аяш Қабдоллаева 60 метр қашықтықта Қырғызстан өкілімен бәсекеге түсіп, басым түсті.
Спортшының жаттықтырушысы әрі келіні - Ажар Төлеуқанова.
Осылайша, Қазақстан құрамасының қоржыны тағы бір алтын медальмен толықты.
Айта кетейік, осы сайыста Әсемгүл Ғалымжанова да алтын медаль иеленсе, Айкөркем Батихан күміс жүлдеге қол жеткізді.

Фото: qaz.archery