Ауа температурасының төмендеуі мен тұманға байланысты өңірде көліктерге жол қозғалысына шектеу енгізілді, деп хабарлайды Buqara.kz сайтының тілшісі. 

«ОблШығысЖол» ЖШС мәліметінше, 15 қазан күні сағат 20:00-ден бастап облыстық маңызы бар Өскемен – Тарғын – Самар тасжолының Тайынты ауылынан Самар ауылына дейінгі учаскесінде көлік қозғалысына шектеу қойылды.

Шектеу қысқы дөңгелекпен жабдықталмаған көліктерге, сондай-ақ тіркемесі немесе жартылай тіркемесі бар жүк көліктеріне қатысты енгізілді.

Жүргізушілерге жолға шығар алдында көліктің қысқы жағдайға дайындығын тексеріп, жолдағы ахуалды ескеру ұсынылады.