Егер адам шетел азаматтығын алса, оны 30 күнтізбелік күн ішінде уәкілетті органдарға хабарлауға және ҚР паспортын, жеке куәлігін тапсыруға міндетті, деп хабарлайды Buqara.kz сайтының тілшісі.

Жыл басынан бері 650-ден астам өңір тұрғыны Қазақстан азаматтығынан айырылды. Тағы 48 адам белгіленген талаптарды бұзғаны үшін әкімшілік жауапкершілікке тартылды.
Аталған жағдайлардың бірі Глубокое ауданында анықталды. 63 жастағы тұрғын 2023 жылдың шілдесінде шетел азаматтығын алған, бірақ уәкілетті органдарға уақтылы хабарламаған. Оның қазақстандық құжаттары тәркіленіп, азаматтығынан айыру белгіленген тәртіппен рәсімделді.
ШҚО Көші-қон қызметінің мәліметінше, шетел азаматтығын алу заңмен көзделген салдарға әкеп соғады. Уәкілетті органдарға уақтылы хабарлау және қазақстандық құжаттарды ұсыну - міндетті талаптар, сондықтан оларды сақтау қажет.