22 қазан күні кешке қаладағы орталық көшелеріндегі көпқабатты үй тұрғындары электр қуатының өшкеніне шағымданған, деп хабарлайды Buqara.kz сайтының тілшісі.

«БЭСК» АҚ ұсынған мәлімет бойынша, 22 қазанда сағат 21:44 кезінде ПС-25 қосалқы электр станциясында апаттық ақау болды. Октябрьский және Стрелка аудандарында, Әуезов даңғылы мен Қазақстан көшесіндегі ғимараттарда да электр қуаты уақытша өшірілді. Оқиға орнына жедел әрекет ету тобы жіберілді.