Өскеменде жедел жәрдем фельдшерлері кәуапқа қақалған 57 жастағы ер адамның тыныс алуын қалпына келтірді, деп хабарлайды Buqara.kz сайтының тілшісі.

Облыстық Денсаулық сақтау басқармасы мәліметінше, медицина қызметкерлері келгенде науқастың жағдайы ауыр болған. Оның терісі көгеріп, тыныс алу жолдары қатты бітелген.
Фельдшерлер Геймлих әдісін қолданып, ер адамның тыныс алуын қалпына келтірді. Кейін науқас қосымша тексеру мен бақылау үшін ауруханаға жеткізілді.