24-26 қазан күндері облыс аумағында жауын-шашын күтіледі, деп хабарлайды Buqara.kz сайтының тілшісі.

Қазгидромет мәліметінше, кей жерлерде қалың қар түсіп, боран соғуы мүмкін. Сондай-ақ республика аумағында, соның ішінде елдің шығысында тұман түсіп, көктайғақ болады деп болжануда. 
Қазақстанның шығысында түнгі ауа температурасы -5, -10 градусқа дейін төмендейді. Ал таулы аймақтарда аяз -13, -18 градусқа жетуі ықтимал. Күндіз ауа температурасы -5 пен +5 градус аралығында құбылады.
Сонымен қатар, елдің оңтүстігі мен оңтүстік-шығысында түнде -1-8 градусқа дейін үсік жүруі мүмкін.