Қалалық ГЭС-тің мүліктік кешенін ұзақ мерзімге жалға беру мәселесі қарастырылып жатыр. Бұл туралы облыс әкімдігіндегі жиында айтылды, деп хабарлайды Buqara.kz сайтының тілшісі.

Жоспарға сәйкес, станция «Өскемен титан-магний комбинатын» электр энергиясымен қамтамасыз ету үшін кәсіпорынның еншілес компаниясы «UKTMP Green Power» ЖШС-ға жалға берілуі мүмкін. Ұсынылып отырған мерзім – 10 жыл, әрі қарай ұзарту мүмкіндігі қарастырылған.
Облыс әкімі Нұрымбет Сақтағановтың ресми телеграм арнасындағы жазбасына сәйкес, жалға алушы инвестициялық міндеттемелерді орындап, қолданыстағы еңбек ұжымын сақтауы тиіс.