Облыстағы Катонқарағай мемлекеттік ұлттық табиғи паркінде 2 мыңнан астам елік бар. Бұл туралы парктің әлеуметтік желісінде жарияланды, деп хабарлайды Buqara.kz сайтының тілшісі.

Усть-Язовая орманшылығының инспекторлары қардан елік ізін байқап, бірнешеуін фотосуретке түсіріп алған.
Соңғы жүргізілген санақ нәтижесіне сәйкес, ұлттық парк аумағында 2 мыңнан астам елік мекендейтіні белгілі болды.
Ұлттық парк өкілдерінің айтуынша, бұл көрсеткіш инспекторлардың күнделікті еңбегінің нәтижесі. Олар аумақты тұрақты аралап, жабайы жануарларды бақылап, санақ жүргізеді. Сондай-ақ браконьерліктің алдын алу жұмыстарын атқарады. Мұның бәрі жануарлардың табиғи ортада қауіпсіз тіршілік етуіне мүмкіндік береді.