Қала әкімдігі «Ер есімі — ел есінде» республикалық акциясын қолдайды, деп хабарлайды Buqara.kz сайтының тілшісі. 

Қала тұрғындарына өз отбасының ерлікке толы тарихын — Ұлы Отан соғысына қатысқан аталары, әжелері мен туыстары туралы баяндауға мүмкіндік беріледі. Ол үшін көрсетілген сілтеме бойынша Telegram-ботқа (https://t.me/Eresimi_elesindebot) өтіп, қысқаша анкетаны толтыру қажет.

Анкетаға енгізілуі тиіс мәліметтер: 

– Ардагердің аты-жөні;

– Туған жылы және қайтыс болған күні (бар болса);

– Туған жері;

– Қызмет еткен жері;

– Жақсы сападағы фотосуретті тіркеу.

Ардагерлер туралы ақпарат 5 мамырға дейін қабылданады. 

Барлық жіберілген естеліктер Жеңіс күні қарсаңында әлеуметтік желілерде жарияланып, ерлеріміздің ерлігін ұрпақ жадында сақтау мақсатында кеңінен насихатталады.