Тәртіп бұзушылар әкімшілік жауапкершілікке тартылды, деп хабарлайды Buqara.kz сайтының тілшісі. 

Өскемен қаласының әкімшілік құқық бұзушылық істері жөніндегі мамандандырылған соты баспасөз қызметінің ақпаратынша, 19 шілде күні түнде Көкпекті ауданындағы Ағынықатты учаскесінде үш азамат заңсыз кен өндірген. Металл іздегіш сынды арнайы құралдарды да пайданалғаны анықталды. 
- Аталған аумақта қатты пайдалы қазбаларды өндіру құқығы ЖШС-ға тиесілі, алайда тәртіп бұзушылардың серіктестікке де, жер теліміне де қатысы жоқ, - деп хабарлады соттың баспасөз қызметі.
Сот қазба өндірушілерді ӘҚБтК-нің 463-бабы 1-бөлігімен кінәлі деп танып, әрқайсына 38 766 теңге көлемінде айыппұл салынды.