Топқайыңда жақын арада ғаламтор қосылып, ауыл көшелері жарықтандырылады, деп хабарлайды Buqara.kz сайтының тілшісі.

Катонқарағай ауданына қарасты бұл өңірге Мұзтаудың баурайына жетуге ұмтылатын туристер келеді. Дегенмен ауылда әлі күнге дейін интернет жоқ. Бірақ антенна-мачталық құрылғы салынып, сигнал таратуға арналған жабдық орнатылған. Тұрғындар ғаламторға қосылуды күтіп жүр. 
Сондай-ақ бес көшеге қиыршық тас төселіп, екі көшеде көше шамдарын орнату жұмыстары жүргізіліп жатыр.