Бүгін Құйған ауылында заманауи талаптарға сай жаңа футбол алаңы пайдалануға берілді, деп хабарлайды Buqara.kz сайтының тілшісі. 

Ашылу салтанатына облыстық мәслихат депутаты Болат Нұрпейісов пен Тарбағатай ауданы әкімі аппаратының басшысы Ермек Құрманғалиев қатысып, ауыл тұрғындарының қуанышымен бөлісті.

Жаңа нысанның ашылуы – бұқаралық спортты дамыту, балалар мен жастардың бос уақытын тиімді өткізуіне жағдай жасау жолындағы нақты қадам. 

Айта кетейік, Бүгінде Тарбағатай ауданы бойынша барлық ауыл ойын және футбол алаңдарымен толық қамтамасыз етілді.