12 тамыз – Халықаралық жастар күніне орай жастар орталығының ұйымдастыруымен Ақжар ауылында жастар форумы өтті, деп хабарлайды Buqara.kz сайтының тілшісі.

Форумға аудан бойынша түрлі салада еңбек етіп жүрген белсенді жастар қатысты. Олардың қатарында өнер иелері, спортшылар, кәсіпкерлер, мал шаруашылығы мен ветеринария саласының өкілдері, мұғалімдер, мемлекеттік қызметкерлер және өзге де мамандық иелері болды.

Аудан әкімі Дархан Жөргекбаев жастармен ашық пікір алмасып, еркін әңгімелесу жүргізді. Жас буын өз ойларын ортаға салып, келешекке қатысты ұсыныстарымен бөлісті.

Кездесу соңында ауданның дамуына үлес қосып жүрген жастар аудан әкімінің Алғыс хатымен марапатталды.