Бас прокуратураның Құқықтық статистика және арнайы есепке алу комитеті интернет-алаяқтықтың жаңа схемасы туралы ескертеді, деп хабарлайды Buqara.kz сайтының тілшісі.

Қаскөйлер PayPal төлем жүйесін пайдалану арқылы iPhone сатып алғаныңыз туралы жалған хабарламалар таратуда.

Схема қалай жұмыс істейді:

Хат: Сізге Apple атынан өте шынайы көрінетін хабарлама келеді. Онда «транзакцияны тоқтату» ұсынылады;

Айла: Хатта көрсетілген нөмірге қоңырау шалсаңыз, алаяқтар аккаунтыңыз бұзылды деп сендіреді;

Нәтиже: «Қорғау» сылтауымен құрылғыға қашықтан қол жеткізуге арналған бағдарламаларды орнатуды талап етеді және жеке деректеріңізді ұрлайды.

Өзіңізді қалай қорғауға болады:

Күмәнді электронды хаттардағы нөмірлерге қоңырау шалмаңыз;

Бөтен адамдардың нұсқауымен ешқандай бағдарлама орнатпаңыз;

Сатып алу туралы ақпаратты тек ресми Apple сервистері (параметрлер немесе apple.com сайты) арқылы тексеріңіз;

Екі факторлы аутентификацияны қолданыңыз;

Сақ болыңыз: күтпеген хабарламаларға сенбеңіз.