Зубовск кентіндегі Березовская көшесінде жеке тұрғын үйдің ауласында "Audi" маркалы көлігі жанып кетті, деп хабарлайды Buqara.kz сайтының тілшісі. 

Шаруашылық ғимараттар блогы мен жеке тұрғын үй аумағы да өртке оранған. Өрт сөндірушілер жалпы ауданы 185 шаршы метрді құрайтын қызыл жалынды ауыздықтады. Зардап шеккендер жоқ. Тілсіз жаудың шығу себебі - қауіптілігі жоғары агрегатпен абайсыз жұмыс атқару.  
Осы тұста ШҚО ТЖД мамандары тұрғындардан өрт қауіпсіздігі ережелерін сақтауды сұрайды.