Бұл туралы аудан әкімі Серік Жеңісов айтты, деп хабарлайды Buqara.kz сайтының тілшісі.

Сөзінше, жоба тұрғындар мен қонақтар үшін жайлы қоғамдық кеңістік құруға бағытталған.
- Өткен жылдан бері Арбаттың қай жерде орналасатынын ақылдасып, белгіледік. Қазір туристік екі орын анықталды. Біріншісі – Сарыбел ауылының маңындағы жағалауда. Оның ұзындығы 1,4 шақырым болады. Екіншісі – Новостройка ауылында. Оның ұзындығы 3 шақырым болады. Қазір мемлекеттік экспертизаға құжаттарды өткізіп, жауабын күтудеміз. Егер оң жауап келсе, Сарыбелдегі арбаттың құрылысын биыл бастаймыз, – деді аудан әкімі. 
Анықталғандай, жаңа жаяу жүргіншілер аймағында көгалдандыру, жаяу серуендеу, демалыс аймақтары және заманауи қалалық инфрақұрылым болады.