Самар жағалауы соңғы жылдары өңірдегі маңызды туристік орындардың біріне айналып келеді, деп хабарлайды Buqara.kz сайтының тілшісі.

Аудан әкімі Серік Жеңісовтың сөзінше, 2010-2012 жылдары Шығыс Қазақстан облысының туристік кластері тұжырымдамасын әзірлеу кезінде осы жер аймақтың орталық туристік хабы ретінде қарастырылған.
– Географиялық орналасуы мен көлік қолжетімділігі арқасында Самар жағалауы туристер үшін орталыққа айналуға дайын. Олар кейін басқа бағыттарға – Катонқарағайға, Марқакөлге, Қиын-Керішке және Шығыс Қазақстандағы басқа да ерекше жерлерге бара алады. Мұнда әр адамда Түркия немесе Египет жағалауларындағыдай бір апталық демалысты толық өткізуге мүмкіндік бар, – деді Серік Жеңісұлы. 
Аумақтың дамуына Президенттің туристік бағыттарды дамыту туралы жарлығы серпін беретін көрінеді. Осы жоба аясында аймақ әкімі Нұрымбет Сақтағанов Самар жағалауын туристік орынға айналдырып, дамытуды тапсырған.