Бұл туралы облыс әкімі Нұрымбет Сақтағанов қала тұрғындарымен кездесу барысында мәлімдеді, деп хабарлайды Buqara.kz сайтының тілшісі.

Қазір Риддердегі 11 елдімекеннің 10-ы интернет желісіне қосылған. Бұл қала тұрғындарының 99,9 пайызына интернеттің қолжетімді екенін көрсетеді. Алайда интернетпен қамтылмаған бір елді мекен бар. 
– Ол – шамамен 70 адам тұратын Ливино ауылы. Оны «Қолжетімді интернет» ұлттық жобасы аясында интернетке қосу жоспарланған. Сонымен қатар спутниктік интернетті пайдалану мүмкіндігі де қарастырылуда, – деді аймақ басшысы. 
Бұдан бөлек, қалада ұялы байланыстың сапасын арттыруға да басымдық берілмек. 
– Осы мақсатта республикалық маңызы бар автожолдың бойында, Бутаково ауылы маңында байланыс операторларының жабдықтарын орналастыруға арналған антенна құрылысын салу көзделген, - деді Нұрымбет Сақтағанов.