2 қыркүйектегі жағдай бойынша есепті аптада Қазақстанда әлеуметтік маңызы бар азық-түлік тауарларының бірқатарының бағасы төмендеді,  деп хабарлайды Buqara.kz сайтының тілшісі KAZINFORM сайтына сілтеме жасап.

Апта ішінде пияз — 7,2%-ға, сәбіз — 4,6%-ға, картоп — 3,2%-ға, ақ қауданды қырыққабат — 3,1%-ға, алма — 1%-ға төмендеді.

— Өңірлер бөлінісінде еліміздің бірқатар қаласында дефляциялық динамика байқалды. Әлеуметтік маңызы бар азық-түлік тауарларының жалпы бағалар деңгейі бір апта ішінде Жезқазғанда — 0,4%-ға, Қостанайда — 0,2%-ға, Ақтау мен Қарағандыда 0,1%-ға төмендеді, — делінген хабарламада.

Республика бойынша пияздың орташа бағасы килограмына 166 теңге. Ең төмен баға Түркістан қаласында тіркеліп, килограмына 135 теңге деңгейінде тіркелді.

Ел бойынша сәбіздің орташа бағасы килограмына 238 теңге. Ең төмен баға Павлодар қаласында тіркелді — килограмына 155 теңге.

Республика бойынша картоптың орташа бағасы килограмына 234 теңге болды. Ең қолжетімді бағалар Павлодарда — 169 теңге және Қостанайда — 183 теңге деңгейінде қалыптасты.

Қызанақтың республика бойынша орташа бағасы килограмына 546 теңге. Ең қолжетімді баға Тараз қаласында тіркелді — килограмына 315 теңге.

Ет өнімдерінің ішінде республика бойынша сүйекті сиыр етінің орташа бағасы килограмына 3 804 теңгені, тауық етінің бағасы 1 746 теңге деңгейінде тіркелді.