Оқиға 12 қазан күні сағат таңертең сағат 04:30 шамасында Семейдегі қонақүй кешенінде болған, деп хабарлайды Buqara.kz сайтының тілшісі.

Қонақүй әкімшілігі 24 жастағы келушіні қабылдаудан бас тартқан. Бұған наразы болған ол жанжал шығарып, әкімшіні балағаттаған. Ескертулер жасалса да, маңайдың тыныштығын бұзуды жалғастырған көрінеді.

Полицейлер оның жеке басын анықтады. Ол Үржар ауданының тумасы Аяжан Жұманқұлова болып шықты.

Сот шешімімен ұсақ бұзақылық жасағаны үшін оған бес тәулікке әкімшілік қамауға алу жазасы тағайындалды.