ШҚО бойынша Экология департаменті Марқакөл ауданы депутаттарының өтініші негізінде Ақбұлақ ауылдық округіне қарасты «Шанды» жер учаскесін тексерді, деп хабарлайды Buqara.kz сайтының тілшісі.

Оған Ертіс бассейндік инспекциясының су ресурстарын пайдалану мен қорғауды реттеу жөніндегі мамандары, Кәсіпкерлік және индустриялық даму басқармасы, «Шығысқазнедра» Шығыс Қазақстан өңіраралық геология департаментінің өкілдері тартылды.

Нәтижсінде ҚР Экологиялық заңнамасын бұзу фактілері анықталды.

Жеке тұлға Айқын Ардагер ӘҚБтК 358-бабы 2-бөлігі, 332-бабы 1-бөлігі, 328-бабы 4-бөлігі бойынша әкімшілік жауапкершілікке тартылды. Іс материалдары сот органдарына жолданды.

Сонымен қатар жиналған материалдар Марқакөл ауданының құқық қорғау органдарына және өзге де құзыретті мемлекеттік органдарға тиісті шаралар қабылдау үшін жолданды.