Риддерде полицейлер жергілікті тұрғын гаражынан төрт түп қарасора мен 5,8 келіден астам кептірілген марихуана тапты, деп хабарлайды Buqara.kz сайтының тілшісі.

Облыстық Полиция департаменті мәліметінше, гаражда есірткі сақталуы мүмкін деген ақпарат түскен соң жедел тінту жүргізілген. Нәтижесінде қарасорадан бөлек, есірткі қалдықтары бар ыдыс та тәркіленді.

Сараптама кептірілген заттың марихуана екенін растады. Аталған факті бойынша қылмыстық іс қозғалып, тергеу жүріп жатыр.

Фото: ШҚО ПД