Норвегияның Фёрде қаласында 2-11 қазан аралығында ауыр атлетикадан әлем чемпионаты өтіп жатыр, деп хабарлайды Buqara.kz сайтының тілшісі inbusiness.kz сайтына сілтеме жасап.

Дүбірлі додаға 87 елден 477 спортшы қатысуда.

Қазақстан құрамасы да жарысқа 4 спортшысын қосты:

6 қазан – 79 кг салмақта Пётр Хребтов (В тобы, 20:00) және Едіге Емберды (А тобы, 22:30);

7 қазан – 88 кг салмақта Әлібек Рахымберді (В тобы, 15:00);

10 қазан – 110 кг салмақта Сұлтан Мейрам (С тобы, 15:00).

Ұлттық құрамаға тәжірибелі бапкер Дәурен Бекмұханбетов жетекшілік етуде.

Чемпионат қазақстандық спортшылар үшін халықаралық деңгейде тәжірибе жинап, жүлде үшін таласуға үлкен мүмкіндік болмақ.