16-23 қараша аралығында өңірде бокстан жастар арасында Қазақстан чемпионаты ұйымдастырылады, деп хабарлайды Buqara.kz сайтының тілшісі.

Аймақ басшысы Нұрымбет Сақтағановқа жарысқа дайындық барысы баян етілді.

ШҚО Дене шынықтыру және спорт басқармасының басшысы Асқар Можановтың айтуынша, бүгінде облыс бойынша бокстан 15 үйірме жұмыс істеп тұр. Онда 39 бапкер шәкірт тәрбиелеп жатыр.

Ал облыстық әуесқой бокс федерациясының президенті Айдос Бақтыбаев өз сөзінде спортшылардың қызу дайындалып жатқанын жеткізді.