Ұлан ауданында балық өсірумен айналысатын кәсіпкерлерден балықтың шыққан жері туралы құжат талап етіп, ветеринарлық анықтама беруден бас тартылған. Алайда бұл талап 12 тамызда күшіне енген «Аквакультура туралы» жаңа Заңмен жойылған еді, деп хабарлайды Buqara.kz сайтының тілшісі.

ШҚО Кәсіпкерлер палатасының мәліметінше, түсініспеушілік нормативтік актілердің үйлеспеуінен пайда болған. Ветеринарлық қызметтер ескі ережелерге сүйеніп, бұрынғы талаптарды қолданған.
Облыстық прокуратураның араласуымен мәселе шешімін тапты. Енді  ветеринарлық анықтамалар артық құжатсыз қайтадан беріле бастады. 
Кәсіпкерлер палатасының өкілдері бұл жағдай нормативтік базаны уақтылы жаңартудың, кәсіп пен мемлекеттік органдар арасындағы кері байланыстың маңызын көрсетті деп атап өтті.