Жыл соңына дейін «АуылТелеком» ЖШС Бурса және Тройницкое ауылдарын интернетке қосады, деп хабарлайды  Buqara.kz сайтының тілшісі.

Қараша айының соңында Манат ауылында «One Web» спутниктік интернетінің жалпы қолжетімділік нүктесін орнату жоспарланған.
- Восточное, Макеевка, Украинка ауылдарында «Мобайл Телеком сервис» ЖШС талшықты-оптикалық желі тартуды бастады. Сарыөзек , Алғабас Жантас, Азовое, Мирное, Смолянка ауылдары бойынша интернет мәселесін шешу жалғасуда. «Қолжетімді интернет» ұлттық жобасын іске асыру аясында 2026 жылдың соңына дейін байланыс операторларымен бірлесіп, халықты интернетпен кезең-кезеңімен қамтамасыз ету жоспарлануда. Сондай-ақ әр нақты аумақтың ерекшеліктеріне және қол жетімді технологияларға байланысты ауылдарды ғаламторға қосудың балама нұсқалары қарастырылады, - деді Ұлан ауданы әкімінің орынбасары Лязиза Кенжетаева.
Айта кету керек, биыл аудандағы 12 мектепті жоғары жылдамдықты интернетпен қамтамасыз ету мақсатында «Starlink» жүйесі орнатылды.