Шығыс Қазақстанда бокстан жастар арасындағы ел чемпионаты өз мәресіне жетті. Соның қорытындысы бойынша өңіріміз екінші орынды иеленді, деп хабарлайды Buqara.kz сайтының тілшісі.

17-23 қараша аралығында Өскемен жастар боксының орталығына айналды. Мұнда елдің барлық өңірінен 2008-2009 жылдары туған 400 боксшы жиналды.

Шығыс Қазақстан облысының құрамасы жоғары деңгейде өнер көрсетіп, үздік үштіктен көрінді - жалпыкомандалық есепте 2-орын.

Біздің боксшылардың еншісінде 7 медаль: екі алтын, бір күміс және төрт қола. Чемпиондар: Темірбаев Темірали (55 келі), Баяндинов Алдияр (65 келі). Күміс жүлдегер: Алтай Абзал (50 келі). Қола медаль иегерлері: Шафих Баянды (55 келі), Қарымбек Нұрасыл (75 келі), Жұмажан Мансұр (80 келі) және Күмісбек Қажымұқан (85 келі).

Жалпыкомандалық есепте бірінші орынды Алматы құрамасы иеленсе, үшінші орынға Алматы облысы жайғасты.