Қалалық сотта тиісті бап бойынша қылмыстық іс қаралды, деп хабарлайды Buqara.kz сайтының тілшісі.

Анықталғандай, сотталушы дүкенде кассир болып жұмыс істеп жүргенде 2023 жылдың 1-28 қыркүйегі аралығында 1 270 341 теңге ұрлаған. 
– Оның бұл әрекеті 1С бағдарламасындағы түбіртек жолдарын өшіру және тауарлардың жалған қайтаруларын өңдеу арқылы жүзеге асырылған, – делінген баспасөз қызметінің ақпаратында. 
Сот отырысында әйел кінәсін мойындамады, бірақ сот оның кінәсі бейнебақылау жазбалары, сот-экономикалық және бухгалтерлік есептері, куәгерлер айғақтарымен расталды. 
– Ж. кәмелетке толмаған екі баласын жалғыз асырап отыр. Бұл жазаны жеңілдететін мән-жай деп танылды. Нәтижесінде әйел 1,5 жылға бас бостандығын шектеу жазасына кесіліп, «ҚР Конституциясының отыз жылдығына байланысты рақымшылық жасау туралы» ҚР Заңына сәйкес жазадан босатылды.
Үкім әлі күшіне енген жоқ.