Қаңтар айынан бастап көкөніс өнімдері бағаны тұрақтандыру бағдарламасы бойынша Өскеменде ғана емес, облыстың басқа қалалары мен аудандарында да сатыла бастады, деп хабарлайды Buqara.kz сайтының тілшісі. 

Тұрақтандыру қорынан алынған көкөністер Риддер қаласы, Алтай, Глубокое, Шемонаиха және Ұлан аудандарындағы бөлшек сауда нүктелерінде пайда болды. Бұл өнімдердің сатылымы 1 мамырға дейін жалғасады.

«Ертіс» ӘКК мәліметі бойынша, көкөністердің бөлшек сауда бағалары келесідей:
* Картоп — бір келісі үшін 177 теңге;
* Сәбіз — бір келісі үшін 172 теңге;
* Пияз — бір келісі үшін 131 теңге;
* Қырыққабат — бір келісі үшін 172 теңге.

ӘКК баспасөз қызметі тұрақтандыру қоры өнімдерінің жеткізушілер бағалары жыл ішінде (2025/2026 маусымы) өзгермегенін атап өтті.