Мемлекет басшысы азаматтар мен мемлекет қауіпсіздігіне қатер төндірмейтін бірқатар қылмыстық және әкімшілік құқық бұзушылық бойынша қосымша амнистия жүргізу мүмкін екенін мәлімдеді, деп хабарлайды Buqara.kz сайтының тілшісі.

Әзірге амнистия нақты қандай құқық бұзушылықтарды қамтитыны белгісіз. Дегенмен заңгерлер өз болжамдарын айтуда.
Риддер қаласының адвокаты Ольга Кайгородованың пікірінше, амнистияға жол қозғалысы ережелерін бұзу, бұзақылық және тұрмыстық сипаттағы құқық бұзушылықтар ілігуі мүмкін.
Сондай-ақ жүргізушілер арасында мас күйінде көлік басқарғаны үшін берілетін 7 жылға жүргізуші куәлігінен айыру жазасы да жеңілдетілуі мүмкін деген болжам бар.