Мектеп оқушылары мен студенттерге арналған «Мен – кәсіпкермін» байқауы облыста 9-шы жыл қатарынан ұйымдастырылып келеді, деп хабарлайды Buqara.kz сайтының тілшісі. 

Бұл жоба алғаш рет дәл Шығыс Қазақстанда бастау алған, ал бүгін республикалық деңгейде жүзеге асырылуда. Байқау ҚР Оқу-ағарту министрлігінің қолдауымен, ШҚО Білім басқармасы, «Атамекен» ШҚО Кәсіпкерлер палатасы, Қазақстан-Америка еркін университеті, Өскемен экономика және техника колледжінің ұйымдастыруымен қолға алынуда.  Финал 20 сәуірде өтеді.  Қатысушылар бизнес-идеяларды көпшілік алдында қорғайды.  Ал жеңімпаздар облыс намысын республикалық кезеңде қорғайтын болады.