Бұл туралы қала әкімдігінің өкілдері мәлім етті, деп хабарлайды Buqara.kz сайтының тілшісі. 

– Құрметті қала тұрғындары, ұйымдар мен кәсіпорындар өкілдері, шағын және орта бизнес субъектілері! Сіздерді жалпықалалық сенбіліктер мен қаланы көгалдандыру акцияларына белсене қатысуға шақырамыз. Аула аумақтарын, ұйымдар мен бизнес нысандарының маңын ретке келтіріп қана қоймай, ағаштар мен көшеттер отырғызу жұмыстарына да атсалысуға үндейміз. Әрбір отырғызылған көшет – қаламыздың экологиясына, көркеюіне және болашағына қосылған маңызды үлес, - делінген ресми ақпаратта. 
Сенбіліктер мен көгалдандыру шаралары 30 мамырға дейін әр сенбі сайын ұйымдастырылады.