17-25 мамыр аралығында өңірде «Қауіпсіз жол» жедел алдын алу шарасы өтті. Оның басты мақсаты – жолдардағы қауіпсіздікті арттыру және жол-көлік оқиғаларының санын азайту, деп хабарлайды Buqara.kz сайтының тілшісі.

Рейд барысында полиция қызметкерлері жол жүрісі қағидаларын бұзудың 2714 фактісін анықтады.

- Көлік құралын масаң күйде басқарған 49 жүргізуші ұсталды. Олардың арасында жүргізуші куәлігінен айырылғанына қарамастан қайтадан рөлге отырғандар да болды. Ықтимал жол-көлік оқиғаларының алдын алу мақсатында 403 көлік құралының пайдаланылуына тыйым салынды. Арнайы тұрақтарға 227 көлік құралы қойылды. Сондай-ақ 176 мемлекеттік тіркеу нөмірі тәркіленді, - делінген ресми ақпаратта. 

Бұдан бөлек, жолаушыларды заңсыз тасымалдау, көлік жүргізу кезінде ұялы телефон пайдалану, балаларды тасымалдау қағидаларын бұзу және жүргізуші куәлігінсіз көлік басқару фактілері анықталды.