Ресми ақпарат облыс әкімдігінде өтіп жатқан мәслихат сессиясында айтылды, деп хабарлайды Buqara.kz сайтының тілшісі.

Облыстық Экономика және бюджеттік жоспарлау басқармасының басшысы Фархад Белбеевтің сөзінше, 13 орман шаруашылығы және жедел әрекет жасағын ұстап, жабдықтауға 8,2 млрд теңге бөлінді.
- Бұдан бөлек, келер жылы орманды қалыпқа келтіру жұмысшыларының жалақысын арттыруға 664,1 млн теңге қарастырылған. Орман шаруашылығына арналған форма алу үшін 50 млн теңге, орман өрті станциаяларын қосымша қаржыландыру үшін 172 млн теңге бөлінеді, - деді Фархад Белбеев.